DOSTON aaj bahut hi dinon baad kuch likhne ka man hua hai..ya aisa bhi keh sakte hain samay mila hai aaj so kai dinon se main soch raha tha…kya likhoon….kya likoon…aur tabhi mere man me aya kyun na..is bar kuch common topic lete hai…jis ka koi ant nai jise abhi tak kisi ne mana to kisi ne ise bakwas kaha aur vo vishay hai
“EXISTENCE OF GOD?”
kya ?god artaharth jise hum allah , bhagwan , rab , jisus kehte hai ye wakai me kuch hai ya hamare hi man ki upaz hai ye?
Jis ke upar hum itna vishwas karte hain ,kya vo yahan hai bhi ,ya nahi?
agar meri mane to aisa kuch nai hai……bahut se logo ko lagega ki main pagal hoon magar main pagal nai hoon…kyun ki main sirf bol nai raha hoon main apni baton se ise sidh bhi karunga.
-pichle kai dinon se mere man me yahi kashmkash chal rahi thi ki bhagwan hote hain ya nahi….yahi sochte hue main apne ghar se nikal raha tha ki achanak tabhi meri nazar padi 1 bhikari pe jis ka shareer buri tarah jakhmi tha..kai jagah se khoon ka resaav ho raha tha…jab main pas gaya to dekha vo koi bhikhari nahi 1 bhikharin thi, jis ke pas itne b vastra nai the ki vo apne shareer ko puri tarah se dhak sake..us drishya ko dekh kar, main 1 pal ke liye stbdh reh gaya, mere paron tale zameen khisak gayi……tab main sochne laga….agar main 1 insaan hoon ..aur mujhe ye drishya dekhkar 1 bar apne upar shram a rahi hai..to kya vo jisne is sansar ko banaya jis ne us bhikharin ko banaya use ye dekhkar zara bhi reham nai a raha..kya vo upar baith ke tamasha dekh raha hai?
kya ye us ki jimmedari nai hai?yahan nautanki chal rahi hai koi tv serial chal raha hai jo vo chup chap baith ke dekh raha hai
main samjh raha hoon kai logon ke man me ye sawal uth rahe honge ki ye us ke pichle janam ke kukarm ke karan hua hai…pichle janam ka kukarm …ha ha ha…..mujhe hasi a rahi hai un logo pe jo aisa sochte hain
to chaliye main ye bhi proove kar deta hoon ki rebirth jaisi koi cheez nai hai yahan……..
SUPPOSE- is time india ki jansankhya 100 hai, is me se 10 log ki death ho jati hai..to baki bache 90 .aur fir jo punarjanam hua vo unhi 10 aatmaon ka hi to hoga ,is tarah se to jansankhya badhni nahi chahiye..par ye nai-nai aatmayen kahan se roz roz aa rahi hai?????
so maine bata diya ki punarjanam kuch nai hota hai..to agar bhagwan hai….. to mere man me kai sare prashan hai in ka utaar dijiye-
1> kad kad me bhgvaan hai-
-agar kad kad me bhagvan hai to aap mandir kyun jate ho?
2>bhgwan apne sabhi bhakto pe 1 si dristi rakhta hai.
-agar sabhi pe 1 si dristi rakhta hai to
vo aadmi jo aaj aishon aram se rehta hai,aur 1 vo admi jo dhoop me rikshaw chalata hai , aur 1 vo bhikharin jis ki maine baat ki hai…ye kaisi drishti hai?
ab kuch log soch rahe honge ki jo jaisa karam karta hai waisa use isi janam me milta hai
to main is ke liye bhi bata du…karam varam kuch nai hota hai ye sab aap ke man ki upaz hai aaj mayavati itne aaram se baithi hai…shyad us ne bachpan me acche karam kiye ho kyun?
maine kuch logon se is ke sandarbh me baat ki to unhone kaha ki bhagwan sab ko janam deta hai..ye admi ke upar nirbhar karta hai ki vo use kis disha me le jata hai……
ye bhi bakwas hai agar aap mante hai ki ye point sahi hai to jawab dijiye-
1>kitne pratishat(%) rikshaw kichne wale ke bacche doctor bante hai?
ans-shyad 1-2% shayad ye b jayada hai
2>kitne pratishat doctor ke bacche rickshaw kichte hain…….ku kya hua sochne lage shayad is ka jawab aap ke pas nai hai….
to hum ye kaise keh sakte hain ki usne mehnat nai ki are use aisa maahol hi nai diya gaya…ki vo padh likh sake is me is bacche ka kya kasoor hai?
insaan ko aadat hai sahara lene ki vo bhagwan naam ka sahara leta hai…
abhi kuch din pehle baat aayi thi ram ..shiv ki …ramayan ki, mahabharat aisa hua tha ya nai
main kehta hu hua tha ramayan sach hai..mahabharat hua tha magar is se ye to proove nai hota na ki bhagwan hai…ram shiv ,krshna,ye log koi bhagwan nai the ye bas 1 raja the
chaliye main aap ko samjhata hu…
aadikal me manav jangalon me rehta tha shikar karta tha, dheere dheere usne janwaron se apna bachao karna sikha aur jungle se bahar aa kar rehne laga…abhi us ne janwaro pe vijay pa li thi, magar kuch samsyaen thi jis se vo nai lad paya, vo thi
badh(flood) ana
bhookamp(earth-quake) ana
aur kai prakritik vipdayen….to is ke liye unhone is ke samne ghootne tek liye aur prayer karne lage
ek example deta hu…kabhi gali me do kutto ko jhagdte dekha hai jab us me ek kutta harne lagta hai to vo kya karta hai..vo dubak ke baith jata hai aur dheere dheere ku-ku karta hai wahan vo us kutte se anurodh kar raha hota hai prarthna kar raha hota hai, mujhe chod de tu jeet gaya,….
thik isi tarah jab logon ne dekhe ki hum in vipdaon se nai lad sakte hain, to unlogo ne is ke samne jhookna thik samjha..aur pooja karne lage…dheere dheere ye apne apne kabeele bana ke rehne lage…
chote chote kabeelo me apas me ladai hoti thi upjaoo jameen lene ke liye ,aur jo is ladai me leed role karta tha wahi hota tha kabeele ka sardar..
fir kuch samay baad raja ki pratha chalne lagi
is me ek raja hota tha aur janta praja hoti thi…jo bhi nirnay lena hota tha raja leta tha….raja apne mahlo me kai kavi rakha karte the…….jo samay samay par raja ke gudon ka gaan kiya karte the…un ko prashann karne ka kaam kiya karte the…aur unki kathaon ko badha chadha kar likha karte the….jis se raja khush ho kar unhe puhar diya karte the..jaise sahastrabahun…matlab jis ki 100 bhujayen ho….is tarah ki panktiyon ko istemal kiya karte the….
aur dheere dheere ye inki rachnaye log padhne lage aur ye prasidh hoti gayi..aur aaj log ise hi ramayan aur mahabharat ke naam se jante hain…aisi kai aur bhi rachnaye hain…
to maine to bata diya ye kya tha…..ab 1 prashan pooch raha hu,,,abhi kuch din pehle baat aayi thi raam-setu ki ..ki ise toda jaye ya..nahin?main dekha aapne b dekha hoga..ram setu aaj bhi dikhta hai ret ka teela dikhta hai aaj bhi…to main ye poochna chahta hoon us samay to wahan nal aur neel naam ke bandaron ne pool banane ke liye pattharon ka istemaal kiya tha aur patthar niche baith ja rahe theaur us ka level upar lane me kaafi samay lag raha tha ,tab ram ne pattharo pe ram likhna shuru kiya aur vo patthar tairne lage …to aaj agar ram setu dikhta hai to patthar dikhne chahiye baloo ka dher ka dikhta hai humein aaj wahan par?aur agar baloon ka base dekar pool banana tha to pattharon ke pani pe tairne se kya labh hoga?ye 1 bahut bada prashan hai abhi tak mujhe is ka uttar koi ne nai de paya agar aap ke paas hai to jaroor bataye
aur main maafi magna chahta hoon un logon se jinki bhawnao ko maine thees pahoonchai hai….lekin maine kuch bhi galat nahi kaha hai…main fir se kehan chahta hu ki main koi writer nai hu so plz aap se anurodh hai ki aap log bhasha pe dhyan na de…dhanyavad!!!!!!
aur is ka ye matlab nai hua ki paap karo…is ka matlab hai jo kuch karna hai humein karna hai bhagwan pe kuch nai chodo tum jise bhagwan mante the use aaj khud me taalashon……
kyun ki insaaniyat ki ek paribhasha deta hoon
“AGAR IS SANSAR ME SABHI SUKHI HAIN, HAR JAGAH LOG KHUSH HAI PAR EK AADMI HAI, JO KONE ME KAHIN BAITH KAR RO RAHA HAI..AUR US AADMI KO DEKH KAR AGAR KOI AADMI DUKHI HOTA HAI TO VO HAI ASLI INSAAN”
CHALTA HOON DOSTON FIR AAUNGA KUCH SAMAY BAAD KUCH NAYA LEKE
jai hind!!
